Եվրամիությունը կընդլայնվի, բայց 2020 թվականից ոչ շուտ. Յունկեր
Եվրամիությունն ընդլայնվելու է, բայց 2020 թվականից ոչ շուտ: Այդ մասին հայտարարել է Եվրահանձնաժողովի նախագահ Ժան Կլոդ Յունկերը՝ փետրվարի 23-ին ելույթ ունենալով Լեւենի կաթոլիկական հաալսարանում:
«Ընդլայնվելու է արդոք Եվրամիությունը: Այո,ասել է նա: Բայց ես չեմ տեսնում թեկնածու որեւէ երկիր, որը պատրաստ լինել անդամակցելու հանրակցությանը մինչեւ 2020 թվականը»:
Յունկերը նաեւ նշել է, որ Եվրոպան անկարելի է կառուցել առանց Ռուսաստանի: «Չնայած այն բոլոր խնդիրներին, որ մենք այժմ ունենք Ռուսաստանի հետ, առանց Ռուսաստանի մենք չենք կառուցի Եվրոպան մայրցամաքային իմաստով», ասել է նա:
«Մեզ հարկավոր է մեր հարեւանների հետ համաձայնեցնել այն ուղղությունները, որոնցով պետք է ընթանա եվրոպական ճարտարապետությունը», հավելել է Յունկերը, հաղորդել է ՏԱՍՍ-ը:
