Հոր հետ 20 դոլարի գրազով` փոքրիկ տղան թռել է ցլի վրա
Հայրը փոքրիկ որդուն 20 դոլար Է խոստացել, եթե նա թռչի ցլի մեջքին, ինչն էլ տղան արել է, գրում է Daily Mirror-ը: YouTube-ում հրապարակված տեսահոլովակում, որը նկարահանել է ընտանիքի հայրը, երեւում է, թե ինչպես է երեխան գաղտագողի մոտենում ցլին, իսկ այնուհետեւ մագլցում նրա վրա: Տեսագրության հեղինակը բացատրում է, որ որդուն դրամական պարգեւ էր խոստացել:
Տեսահոլովակում լսվում է աղջկա՝ ենթադրաբար երեխայի քրոջ ձայնը, որը նշում է, թե «դա անվտանգ չէ»: Մայրը համաձայնվում է նրա հետ, բայց երեխային կագնեցնել նրանք չեն փորձում:
Այն պահին, երբ երեխան թռչում Է ցլի մեջքին, կենդանին վեր Է ցատկում: Միայն դրանից հետո են ծնողները նետվում օգնության՝ ընդհատելով նկարահանումը:
Ընտանիքի հայրը Facebook-ում նշել է, որ երեխան լավ վիճակում Է եւ ստացել է իր 20 դոլարը: «Եվ, որ պարզապես դուք իմանաք, ես իրականում չէի կարծում, թե նա կկարողանա մոտենալ ցլին, իսկ եթե կարողանար էլ, ապա հաստատ չԷր թռչի նրա մեջքին»,- հավելել է նա, հաղորդել է ՌԻԱ Նովոստին:
