ԵԱՀԿ-ն կավելացնի դիտորդների թիվն Ուկրաինայում
Եվրոպայի անվտանգության և համագործակցության կազմակերպությունը (ԵԱՀԿ) նախատեսում է ավելացնել Ուկրաինայում մոնիթորինգային առաքելության կազմի դիտորդների թիվը, հայտարարել է Ավստրիայի ԱԳ նախարար, ԵԱՀԿ գործող նախագահ Սեբաստիան Կուրցը:
Բացի այդ՝ ԵԱՀԿ-ն պատրաստվում է ավելացնել շփման գծում պարեկության ժամերն ու ամրապնդել առաքելության տեխնիկական պոտենցյալը։
«Անհրաժեշտ է հասնել տեղի բնակչության կենսապայմանների բարելավմանը»,- հայտարարել է Կուրցը՝ կարևորելով կարիքավորներին մարդասիրական կազմակերպությունների անձանց առանց խոչընդոտների մատչումը։
ԵԱՀԿ նախագահի խոսքով՝ այս տարվա հունվարին ինքն անձամբ է գնահատել, թե որքան ծանր իրավիճակ է ներկայումս Ուկրաինայի արևելքում: Նա Դոնբասի հակամարտության կողմերին կոչ է արել կատարել Մինսկի համաձայնագիրն ու չխախտել կրակի դադարեցման ռեժիմը:
