«Ես ընդդիմության նախընտրական ծրագրերը չեմ մեկնաբանում». Հրանտ Բագրատյան
«Ես ընդդիմության նախընտրական ծրագրերը չեմ մեկնաբանում։ Մեկնաբանելու եմ միայն իշխանությունների՝ ՀՀԿ-ի և ՀՅԴ-ի ծրագրերը», – մեզ հետ զրույցում ասաց ՀՀ նախկին վարչապետ Հրանտ Բագրատյանը՝ ի պատասխան այն հարցի, թե որքանով են իրատեսական «Ծառուկյան» դաշինքի կողմից վերջերս հրապարակված 15 տնտեսական առաջնահերթությունները։
Հիշեցնենք, որ Հրանտ Բագրատյանը «Ազատ Դեմոկրատների» համամասնական ցուցակի երկրորդ հորիզոնականում է և այդ ուժի ստվերային վարչապետն է։ Հ. Բագրատյանը նաև ավելացրեց, իրենք կազմել են 135 կետից բաղկացած մանրամասն ծրագիր։ 28 էջանոց այդ փաստաթուղթ շուտով կներկայացվի ընտրողներին։
