«Ռեալի» հարձակվող Կրիշտիանու Ռոնալդուն և Անջելինա Ջոլին կնկարահանվեն թուրքական սերիալում
Դա հիթ կլինի:
Ռոնալդուն և ամերիկյան դերասանուհի Անջելինա Ջոլին կնկարահանվեն թուրքական «Կյանքի կամուրջ» սերիալում: Սերիալում կպատմվի սիրիայի փախստականների ընտանիքի մասին, ովքեր ապաստան են փնտրում Թուրքիայում: Ինչպես հաղորդում է Daily Sabah-ը, պլանավորվում է, որ սերիալը կունենա 3 եթերաշրջան:
«Ոսկե գնդակի» քառակի մրցանակակիր Կրիշտիանու Ռոնալդուն մասնակցել է Սիրիայի և Մերձավոր Արևելքի այլ երկրների երեխաների բարեգործական օգնությանը: 2016 թվականին պորտուգալացին ճանաչվել է Պաղեստինի տարվա մարդ:
Դեկտեմբերին Ռոնալդուն խոստովանել էր, որ կցանկանար ֆուտբոլից հեռանալուց հետո նվիրել իրեն դերասանական կարիերային:
Անջելինա Ջոլին ամերիկյան դերասանուհի է, ռեժիսոր, սցենարիստ, «Օսկարի» դափնեկիր և ՄԱԿ-ի ազատ կամքի դեսպան:
Պատրաստեց Անի Գաբուզյանը
