«Ասում են` էշի քուռակն էշից առաջ ա ընկնում, գելերը հելնում ուտում են». Մանվել Գրիգորյան
«Մենք մեր վրա չենք կասկածում, քանի որ գիտենք ժողովրդի մտածելակերպը, եթե պիտի չընտրի, թող չընտրի»,- այսօր լրագրողների հետ զրույցում հայտարարեց ՀՀԿ-ական պատգամավոր, ԵԿՄ վարչության անդամ գեներալ Սեյրան Սարոյանը` խոսելով առաջիկա ընտրություններում ՀՀԿ համամասնական ցուցակում իր չընդգրկվելու և ռեյտինգային ընտրակարգով առաջադրվելու մասին:
Դիտարկմանը, որ նույն ընտրատարածքում է առաջադրվել նաև Առաքել Մովսիսյանը, ինչպե՞ս են մրցակցելու իրար հետ, Ս.Սարոյանը պատասխանեց. «Շմայսը կարող ա ավելի շատ հավաքի: Մենք ընկերներ ենք, մեր մեջ թշնամություն չկա»:
«Ասում են` էշի քուռակն էշից առաջ ա ընկնում, գելերը հելնում ուտում են»,- ընկերոջն օգնության եկավ ու բազմիմաստ ակնարկ արեց ԵԿՄ նախագահ, ՀՀԿ համամասնական ցուցակով առաջադրված Մանվել Գրիգորյանը:
