Ովքեր են ՀԱԿ-ՀԺԿ դաշինքի ռեյտինգային թեկնածուները (ցանկ)

Ովքեր են ՀԱԿ-ՀԺԿ դաշինքի ռեյտինգային թեկնածուները (ցանկ)

Ազգային ժողովի ՀԱԿ խմբակցության ղեկավար Լևոն Զուրաբյանը ներկայացրեց Ազգային ժողովի առաջիկա ընտրություններում ՀԱԿ-ՀԺԿ դաշինքի տարածքային ցուցակների որոշ անուններ: Փետրվարի 16-ին լրագրողների հետ հանդիպմանը Լևոն Զուրաբյանն ասաց, որ իրենց տարածքային թեկնածուները շատ են, ուստի կներկայացնի այն անձանց, ովքեր հետաքրքիր են մամուլի համար:

Թիվ 1 ընտրատարածքում, որն ընդգրկում է Երևանի Ավան, Նոր Նորք և Քանաքեռ Զեյթուն վարչական շրջանները, դաշինքի ռեյտինգային ցուցակով կառաջադրվեն ՀԱԿ արտաքին հարաբերությունների հանձնաժողովի նախագահ Վլադիմիր Կարապետյանը, «Անտարես» հրատարակչության ղեկավար Արմեն Մարտիրոսյանը, ջութակահար երիտասարդ Նարեկ Սարգսյանը:

Երևանի Արաբկիր, Աջափնյակ և Դավթաշեն վարչական շրջաններն ընդգրկող թիվ 2 ընտրատարածքում դաշինքի տարածքային ցուցակներով կառաջադրվեն ԱԺ ՀԱԿ խմբակցության քարտուղար Արամ Մանուկյանը, Զոյա Թադևոսյանը, Գրիգոր Գրիգորյանը, Արման Մուսինյանը, Տիգրան Պասկևիչյանը, պատմաբան Միքայել Մարտիրոսյանը:

Թիվ 3 ընտրատարածքում, որն ընդգրկում է Երևանի Մալաթիա-Սեբաստիա և Շենգավիթ վարչական շրջանները` կառաջադրվեն Հակոբ Հակոբյանը, Արշակ Մարուքյանը, Վոլոդյա Հովհաննիսյանը, Սամվել Կարապետյանը, Բագրատ Անդրեասյանը:

Կենտրոն, էրեբունի և Նուբարաշեն վարչական շրջաններն ընդգրկող թիվ 4 ընտրատարածքում ՀԱԿ-ՀԺԿ դաշինքի տարածքային ցուցակով կառաջադրվեն Լուսինե Չալաբյանը, Նունե Թորոսյանը: Ընդհանուր առմամբ, այս ընտրատարածքում դաշինքն առաջադրելու է 14 թեկնածու, որոնցից 8-ը կին են:

Զուրաբյանն ընդգծեց, որ Արարատի մարզն ընդգրկող թիվ 5 ընտրատարածքում դաշինքի ցուցակում ընդգրկված են հետաքրքիր անձինք, ում անունները հանրությանը կարող են ոչինչ չասել, սակայն նրանք իրենց համայնքներում լուրջ հեղինակություն են վայելում: Արարատի մարզում կուսակցության տարածքային ցուցակով կառաջադրվի իրանահայ Վարդան Բեյլերյանը, ով վերջերս նաև հայերենի քննություն է հանձնել:

Թիվ 6 ընտրատարածքում, որն ընդգրկում է Արմավիրի մարզը, կառաջադրվի Սեդրակ Հովհաննիսյանը, ով նախկինում մարզպետ է եղել, ՀԺԿ-ից Աշոտ Շարիշանը, ով ազգային փոքրամասնության ներկայացուցիչ է, ներկայացնում է եզդիական համայնքը:

Թիվ 7 ընտրատարածքում, որն ընդգրկում է Արագածոտնի մարզը, կառաջադրվեն Մյասնիկ Մալխասյանը, Վարդան Մալխասյանը և այլք:

Լոռիում դաշինքի տարածքային ցուցակով կառաջադրվեն Սարգիս Թամազյանը, Աշոտ Մանուկյանը, Կարեն Ադամյանը:

Կոտայքի մարզում կառաջադրվեն Գրիգոր Ոսկերչյանը, Արամ Բարեղամյանը և այլն:

Շիրակի մարզն ընդգրկող ընտրական տարածքում դաշինքի տարածքային ընտրական ցուցակում են Մուրադ Գրիգորյանը (ՀԱԿ-ի Գյումրիի կառույցի ղեկավար), Շալիկո Զոլյանը (ՀԱԿ-ի Աշոցքի կառույցի ղեկավար), Գագիկ Ֆահրադյանը (ՀԱԿ-ի Ախուրյանի կառույցի ղեկավար):

Սյունիքի և Վայոց Ձորի մարզերն ընդգրկող ընտրական տարածքում Դաշինքի տարածքային ընտրական ցուցակում են Դավիթ Մաթևոսյանը, Ավետիք Ավետյանը, Արշակ Մուսախանյանը:

Տավուշի մարզն ընդգրկող ընտրական տարածքում Դաշինքի տարածքային ընտրական ցուցակում է Սերգեյ Ամյանը, Գուրգեն Ասատրյանը, Արթուր Աթաբեկյանը:

Լրահոս
Գովազդ
Գովազդ
Գովազդ
Ամենաընթերցված
ՕրվաՇաբաթվաԱմսվա
2017-03-09
Ընտրակաշառքների մրցավազք
Որոշ թեկնածուների շտաբների ներկայացուցիչներն ակտիվորեն ցուցակագրում են քաղաքացիներին՝ խոստանալով իրենց թեկնածուի օգտին քվե տալու դեպքում որոշակի գումար։ Ասում են՝ անգամ ընտրակաշառքների մրցակցություն է գնում, թե որ ուժը կամ թեկնածուն որքան է բարձրացրել չափը։