Բաժիններ՝

Իվանկա Թրամփի բրենդի վաճառքներն ընկել են մեկ քառորդով

ԱՄՆ-ի նախագահ Դոնալդ Թրամփի դստեր՝ Իվանկայի բրենդի վաճառքները հունվարին, անցյալ տարվա համապատասխան համանակաշրջանի համեմատությամբ, ընկել են 26 տոկոսով: Այդ մասին  հայտնել է  Rambler News Service-ը:

Ivanka Trump մակնիշի ապրանքներն ամենից շատ վաճառվում են Amazon.com առցանց-հարթակում, դրան հաջորդում են՝ Bloomingdales.com-ը, Macys.com-ը եւ Zappos.com-ը:
Ivanka Trump բրենդի ներքո թողարկվում են կանանց հագուստ, կոշիկ եւ պայուսակներ:

2017 թվականի փետրվարի սկզբին Nordstrom ամերիկյան հանրախանութների ցանցը որոշեց դադարեցնել այդ մակնիշի ներքո թողարկված ապրանքների վաճառքը: Որպես պատճառ նշվել է ցածր պահանջարկը:

Ի պատասխան Թրամփը քննադատել է ընկերությանը: «Nordstrom-ը շատ անազնիվ է վարվել իմ դստեր՝ Իվանկայի հետ: Նա մեծ անհատականություն է. ինձ միշտ դրդում Է ճիշտ վարվել: Ահավոր է»,-հայտարարել է նա:

Բաժիններ՝

Տեսանյութեր

Լրահոս