Թրամփը Իրանի Իսլամական հեղափոխության պահապանների կորպուսը կարող է ներառել ահաբեկչական կազմակերպությունների ցանկում
ԱՄՆ նախագահ Դոնալդ Թրամփի վարչակազմը դիտարկում է առաջարկությունը, որը կարող է հանգեցնել նրան, որ Իրանի Իսլամական հեղափոխության պահապանների կորպուսը կարող է ներառվել ահաբեկչական կազմակերպությունների ցուցակում, հայտնում է «Ամերիկայի ձայնը»՝ վկայակոչելով գործին մոտ կանգնած աղբյուրներին։
Աղբյուրների խոսքով՝ այդ առաջարկով արդեն մի քանի գերատեսչության հետ խորհրդատվություններ են անցկացվել։
Ավելի վաղ ԱՄՆ-ը պատժամիջոցներ էր սահմանել Իրանի Իսլամական հեղափոխության պահապանների կորպուսի հետ առնչություն ունեցող ֆիզիկական և իրավաբանական անձանց դեմ։
Իրանի Իսլամական հեղափոխության պահապանների կորպուսը Իրանի անվտանգության ամենաազդեցիկ մարմինն է, այն վերահսկում է Իրանի տնտեսության կարևոր ոլորտները ու մեծ ազդեցություն ունի երկրի քաղաքական համակարգի վրա։
