Փող է պետք․ ՀՀ ֆիննախը հավանաբար պետական պարտատոմսեր է թողարկելու. «Հայկական Ժամանակ»
«Հայկական ժամանակ» թերթը գրում է. «Մինչեւ այս ամսվա վերջ կամ առավելագույնը հաջորդ ամսվա առաջին կեսին ՀՀ ֆինանսների նախարարությունը հավանաբար մեծ ծավալով պետական պարտատոմսեր է թողարկելու բյուջետային ծախսերը ամբողջ ծավալով կատարելու համար: Խնդիրն այն է, որ մեր տեղեկություններով՝ տարվա սկզբին հարկերի հավաքագրումը չի հաջողվել իրականացնել սպասված ծավալով եւ մտավախություն կա, որ առաջիկա ամիսներին լրացուցիչ գումարներ անհրաժեշտ կլինեն ծախսերը հոգալու համար:
Լավագույն տարբերակը, ըստ ֆիննախարարության, պետական պարտատոմսեր թողարկելով մեծ ծավալի ներքին պարտք վերցնելն է: Խոսքը կարող է լինել մոտ 300 միլիոն դոլարի մասին»:
Ամբողջությամբ կարող եք կարդալ «Հայկական Ժամանակ» թերթի այսօրվա համարում:
