Սեբաստիան Կուրցը Ադրբեջան այցի ժամանակ կքննարկի ԼՂ հակամարտությունը
ԵԱՀԿ գործող նախագահ, Ավստրիայի ԱԳՆ ղեկավար Սեբաստիան Կուրցը մոտակա ամիսներին կայցելի Ադրբեջան, այցի ընթացքում սպասվում է Լեռնային Ղարաբաղի իրավիճակի քննարկում, հայտնում է ադրբեջանական Report գործակալությունը՝ վկայակոչելով Ավստրիայի ԱԳՆ-ին։
«ԵԱՀԿ գործող նախագահ, Ավստրիայի ԱԳՆ ղեկավար Սեբաստիան Կուրցը կայցելի Ադրբեջան։ Այցը տեղի կունենա մոտակա ամիսներին, այցի հստակ ժամկետները դեռևս ճշտվում են։ Սպասվում է, որ այցի ընթացքում քննարկվելու է նաև Լեռնային Ղարաբաղի հակամարտության կարգավորումը»,- հայտնում է գործակալությունը։
Հաղորդագրության մեջ նշվում է, որ «ԵԱՀԿ-ում Ավստրիայի նախագահությունը աջակցում է ԵԱՀԿ Մինսկի խմբի ջանքերին՝ ուղղված այդ հակամարտության կարգավորմանը»։
