Քանյե Ուեսթը Twitter-ից հեռացրել է Թրամփին պաշտպանող բոլոր գրառումները
Ամերիկացի ռեփեր Քանյե Ուեսթը Twitter-ի իր էջից հեռացրել է ԱՄՆ-ի նախագահ Դոնալդ Թրամփին պաշտպանող բոլոր գրառումները: Այս մասին հայտնել է TMZ-ն:
Հրատարակության տեղեկություններով՝ Ուեսթն այդ քայլին է դիմել ներգաղթի քաղաքականության խստացման օրենքի պատճառով, որն արգելում է առավելապես մահմեդական բնակչությամբ յոթ երկրների քաղաքացիների մուտքն ԱՄՆ, ինչպես նաեւ Թրամփի վարչակազմի այլ գործողությունների պատճառով:
Քանյե Ուեսթը Թրամփին աջակցում էր ընտրարշավի ընթացքում, իսկ դեկտեմբերին նրա հետ հանդիպել է Նյու Յորքում, որից հետո Twitter-ում գրել. «Զգում եմ, որ կարեւոր է ուղղակիորեն շփվել մեր ապագա նախագահի հետ, եթե մենք իրոք փոփոխություններ ենք ցանկանում»:
Հանդիպման հաջորդ օրը երաժիշտը Twitter-ում զետեղել է լուսանկար, որտեղ պատկերված Է Time հանդեսի շապիկը, որը Թրամփին ընտրել է «տարվա մարդ»: Համարն ստորագրված է Թրամփի կողմից, որն Ուեսթին «հիանալի ընկեր» է համարել:
