Ինչ եղանակ է սպասվում փետրվար ամսին

Հանրապետության տարածքում փետրվար ամսվա օդի ջերմաստիճանը միջինը կազմում է -5…-8⁰C, որը 1⁰C-ով բարձր է հունվարի միջին ջերմաստիճանից: Առաջին տասնօրյակը բնորոշվում է առավել ցածր ջերմաստիճաններով, այնուհետև ջերմաստիճանը աստիճանաբար բարձրանում է:

Փետրվարին միջին ամսական ջերմաստիճանը հանրապետության տարածքում շատ բազմազան է: Ըստ բարձրության ջերմաստիճանը նվազում է: Մինչև 800 մետր բարձրության վրա (Իջևան, Ալավերդի, Բերդ, Մեղրի) միջին ամսական ջերմաստիճանը դրական է` մոտ 2<sup>0</sup>C, 800-1000 մետր բարձրության վրա (Արարատյան դաշտ, Վայոց ձոր ցածրադիր մասեր)` -1…-2⁰C, 1000-1500մ բարձրության վրա (Լոռի, Արագածոտնի և Սյունիքի նախալեռնային շրջաններ)` -2<sup>0</sup>C, 1500-2000 մետրի վրա (Շիրակ, Արագածոտնի և Կոտայքի լեռնային շրջաններ, Գեղարքունիք)` -4…-6⁰C: Փետրվար ամսվա բացարձակ նվազագույն ջերմաստիճանը` դիտվել է Պաղակնում` -41⁰C (1947թ), և Աշոցքում` -40<sup>0</sup>C (1946թ.): Երևանում փետրվարի միջին ջերմաստիճանը –0.9<sup>0</sup>C է, իսկ բացարձակ նվազագույնը` -26⁰C դիտվել է 1928թ-ին, -27⁰C 1972թ: Խիստ ցուրտ փետրվարներ դիտվել են 1949, 1950, 1969, 1972, 1976, 1979, 1986 թվականներին: Մասնավորապես 1976թ.-ին հանրապետության տարբեր շրջաններում այն 6-8⁰-ով ցածր էր հունվարի միջին ջերմաստիճանից: Գյումրիում և Պաղակնում օդի միջին ջերմաստիճանը եղել է -16… -18⁰C, այսինքն նորմայից ցածր ` 10-12⁰C):

Երևանում 1885-2010թթ. ժամանակահատվածում 16 անգամ դիտվել են խիստ ցուրտ փետրվարներ, երբ օդի միջին ամսական ջերմաստիճանը եղել է -8⁰C:

Սովորաբար փետրվարը հունվարից տաք է, սակայն տարիների 15-20%-ի դեպքում միջին ամսական ջերմաստիճանը փետրվարին հունվարից ցածր է եղել:

Տաք փետրվարներ դիտվել են 1955, 1963, 1966, 1979, 1986, 1987, 1999, 2004, 2009, 2010թթ.: Այդ տարիներին Արմավիրի, Արարատի մարզերում, Տավուշի և Սյունիքի ցածրադիր մասերում օդի միջին ամսական ջերմաստիճանը եղել է +5…+6⁰C: Բացարձակ առավելագույն ջերմաստիճանը Երևանում հասել է +20⁰C (1955թ.), Կապանում` +26⁰C (1955թ.):

Փետրվարին տեղումների քանակը հանրապետությունում կազմում է 41մմ, որը տարեկան նորմայի 7%-ն է: Սակայն այդ քանակը տարածքում բաշխվում է անհամաչափ: Տավուշի և Սյունիքի հովիտներում միջինը դիտվում է 27-29մմ, Արմավիրի և Արարատի մարզերում 21մմ, 1200-2000մ բարձրությունների վրա 32-37մմ, 2000-2500մ բարձրությունների վրա` 40-50մմ, ավելի բարձր` մինչև 80մմ: Երևանում տեղումների քանակը միջինը կազմում է 30մմ: Տեղումների քանակը զգալիորեն տարբեր է և ըստ տարիների` 1975,1985 թթ. փետրվարին հանրապետության տարբեր շրջաններում տեղացել է ամսական նորմայի կրկնապատիկ, առանձին շրջաններում եռապատիկ քանակը (Հրազդան, Սիսիան, Արմավիր, Գավառ): Փետրվարը տեղումներով առատ է եղել 1928, 1938, 1952, 1956,1984, 1990, 1997,2006 թվականներին:

Հանրապետության տարածքում հիմնականում դիտվում է ձյուն, սակայն հովտային շրջաններում տարիների 20%-ի դեպքում դիտվել է անձրև: Այդ շրջաններում փետրվարին ձնածածկը կազմում է 8-14 օր: Նրա բարձրությունը չի գերազանցում 7սմ-ը, դիտվում են տարիներ, երբ ձյունը վերանում է փետրվարի առաջին տասնօրյակին: Հովտային շրջաններում առանձին դեպքերում կայուն ձնածածկ բոլորովին չի առաջանում:

Լեռնային շրջաններում ձնածածկը պահպանվում է ողջ ամսվա ընթացքում և բարձրությունը հասնում է 20-40 սմ, բարձր լեռնային շրջաններում` 70-150 սմ: Փետրվարին հարաբերական խոնավությունը հանրապետությունում միջինը 72% է:

Մառախուղով օրերի թիվը փետրվարին միջինը դիտվում է 1-8 օր: Մառախուղներ դիտվում են հիմնականում լեռնանցքներում և ցածրադիր վայրերում: Երևանում փետրվարին միջինը 8 օր դիտվում է մառախուղ (1974թ. և 1993թ. համապատասխանաբար 22 և 25 օր): Փետրվարը հունվարի համեմատ ավելի քամոտ է, զգալիորեն քչանում է անդորր օրերի քանակը: Քամու առավելագույն արագությունն առանձին վայրերում փետրվարին հասնում է 20-30 մ/վրկ, իսկ լեռնանցքներում և բարձր լեռնային գոտում` մինչև 35 մ/վրկ, պոռթկումները` 40 մ/վրկ: Լեռներում և լեռնանցքներում հաճախ դիտվում է բուք, միջինը` 7-12 օր:

Արարատի և Արմավիրի մարզեր, Արագածոտնի նախալեռներ

Օդի ամսական միջին ջերմաստիճանը սպասվում է -2…-4⁰C, որը  նորմայից ցածր է 2-3 աստիճանով: Ամսվա ընթացքում առանձին օրեր հնարավոր է օդի ջերմաստիճանի նվազում գիշերը` մինչև -20…-25<sup>0</sup>C, երրորդ տասնօրյակում ցերեկը օդի ջերմաստիճանի բարձրացում`  մինչև +3…+5⁰C (դիտված բազմամյա միջին բացարձակ նվազագույնը` -14…-16<sup>0</sup>C, առավելագույնը`  +9…+11⁰C): Ամսական տեղումների քանակը կանխատեսվում  է նորմայից ավել (նորման` 18…34 մմ):

Շիրակի, Կոտայքի և Գեղարքունիքի մարզեր, Արագածոտնի մարզի լեռնային շրջաններ

Օդի ամսական միջին ջերմաստիճանը սպասվում է -7…-11⁰C, որը  նորմայից ցածր է 2-3 աստիճանով: Ամսվա ընթացքում առանձին օրեր սպասվում է  օդի ջերմաստիճանի նվազում գիշերը` մինչև  -25…-30 <sup>0</sup>C, երրորդ տասնօրյակում  ցերեկը օդի ջերմաստիճանի բարձրացում մինչև 0…+3<sup>0</sup>C (դիտված բազմամյա միջին բացարձակ նվազագույնը` -20…-25 ⁰C, առավելագույնը` +2…+5 <sup>0</sup>C): Ամսական տեղումների քանակը կանխատեսվում է նորմայից ավել (նորման` 19…57 մմ):

Լոռու մարզ

Օդի ամսական միջին ջերմաստիճանը սպասվում է -3…-6 ⁰C, որը  նորմայից ցածր է 2-3 աստիճանով: Ամսվա ընթացքում առանձին օրեր  սպասվում է օդի ջերմաստիճանի նվազում  գիշերը` մինչև -21..-26<sup>0</sup>C, երրորդ տասնօրյակում  ցերեկը օդի ջերմաստիճանի բարձրացում  մինչև +5…+8<sup>0</sup>C (դիտված բազմամյա միջին բացարձակ նվազագույնը` -17…-22 ⁰C, առավելագույնը` +8…+10 <sup>0</sup>C): Ամսական տեղումների քանակը կանխատեսվում է նորմայից ավել (նորման` 25…33 մմ ):

Տավուշի մարզ

Օդի ամսական միջին ջերմաստիճանը սպասվում է 0…-2 ⁰C, որը  նորմայից ցածր է 2-3 աստիճանով: Ամսվա  ընթացքում առանձին օրեր սպասվում է օդի ջերմաստիճանի նվազում գիշերը` մինչև -12…-16 <sup>0</sup>C, երրորդ տասնօրյակում ցերեկը` օդի ջերմաստիճանի բարձրացում մինչև +5…+10⁰C (դիտված բազմամյա միջին բացարձակ նվազագույնը` -10…-14<sup>0</sup>C, առավելագույնը` +12…+14⁰C): Ամսական տեղումների քանակը կանխատեսվում է նորմայից ավել (նորման` 27…30մմ):

Վայոց Ձորի մարզ

Օդի ամսական միջին ջերմաստիճանը սպասվում է հովտային շրջաններում  -2…-3 ⁰C,  լեռնային շրջաններում` -6…-9<sup>0</sup>C, որը  նորմայից ցածր է 2-3 աստիճանով: Ամսվա ընթացքում առանձին օրեր սպասվում է  օդի ջերմաստիճանի նվազում` գիշերը հովտային շրջաններում մինչև`  -20…-25 <sup>0</sup>C,  լեռնային շրջաններում`   -25…-30 ⁰C, երրորդ տասնօրյակում ցերեկը օդի ջերմաստիճանի բարձրացում  հովտային շրջաններում մինչև` +3…+5<sup>0</sup>C, լեռնային շրջաններում` 0…+3⁰C (դիտված բազմամյա միջին բացարձակ նվազագույնը` հովտային շրջաններում`                            -13…-14⁰C, լեռնային շրջաններում` -18…-19<sup>0</sup>C, առավելագույնը` հովտային շրջաններում +10…+11⁰C,  լեռնային շրջաններում` +4…+5<sup>0</sup>C): Ամսական տեղումների  քանակը  ենթադրվում է նորմայից ավել (նորման` հովտային  շրջաններում  30…32 մմ, լեռնային շրջաններում 70…73 մմ ):

Սյունիքի մարզ

Օդի ամսական միջին ջերմաստիճանը սպասվում է հովտային շրջաններում -1…+1 ⁰C, լեռնային շրջաններում` -5…-7<sup>0</sup>C, որը  նորմայից ցածր է 2-3 աստիճանով: Ամսվա ընթացքում առանձին օրեր սպասվում է օդի ջերմաստիճանի նվազում գիշերը հովտային շրջաններում մինչև` -10…-15 ⁰C, լեռնային շրջաններում`  -20…-25 <sup>0</sup>C, երրորդ տասնօրյակում ցերեկը օդի ջերմաստիճանի բարձրացում  հովտային շրջաններում մինչև` +7…+12⁰C, լեռնային շրջաններում` +4…+9 <sup>0</sup>C (դիտված բազմամյա միջին բացարձակ նվազագույնը` հովտային շրջաններում`  -7…-12<sup>0</sup>C, լեռնային շրջաններում`   -14…-20⁰C, առավելագույնը` հովտային շրջաններում +16…+18<sup>0</sup>C,  լեռնային շրջաններում` +8…+13⁰C): Ամսական տեղումների  քանակը  կանխատեսվում է նորմայից ավել (նորման` հովտային  շրջաններում  16…32 մմ, լեռնային շրջաններում 23…54 մմ ):

Երևան քաղաք

Օդի ամսական միջին ջերմաստիճանը սպասվում է -2…-3 ⁰C, որը  նորմայից ցածր է 2-3 աստիճանով: Ամսվա ընթացքում առանձին օրեր հնարավոր է օդի ջերմաստիճանի նվազում գիշերը` բարձրադիր վայրերում -16…-18<sup>0</sup>C, ցածրադիր վայրերում -23…-25<sup>0</sup>C, երրորդ տասնօրյակում ցերեկը  օդի ջերմաստիճանի բարձրացում  մինչև  +3…+ 5<sup>0</sup>C (դիտված բազմամյա միջին բացարձակ նվազագույնը` -14…-16⁰C, առավելագույնը` +9…+11 <sup>0</sup>C): Ամսական տեղումների քանակը կանխատեսվում է նորմայից ավել (նորման` 21…34 մմ):