Տաջիկստանի ԶՈՒ գլխավոր շտաբի պետը մահացել է ավտովթարի հետևանքով
Տաջիկստանի պաշտպանության նախարարի առաջին տեղակալ, զինված ուժերի գլխավոր շտաբի պետ Զարիֆ Բոբոկալոնով մահացել է ճանապարհատրանսպորտային պատահարի հետևանքով: Այս մասին Interfax-ին տեղեկացրել է երկրի պաշտպանական գերատեսչության աղբյուրը:
Նախնական տվյալներով` պատահարը տեղի է ունեցել Դուշանբեի կենտրոնում, երբ ԳՇ պետը տուն էր ուղևորվում: Գեներալմայոր Բոբոկալոնովն ինքն է վարել մեքենան:
Աղբյուրը հաղորդել է նաև, որ ամենայն հավանականությամբ Բոբոկալոնովի թաղման արարողությունը տեղի կունենա հունվարի 20-ին:
