«Հետախուզությունը առնչություն ունի Ստամբուլի գիշերային ակումբի հարձակմանը». Թուրքիայի փոխվարչապետ
Թուրքիայի փոխվարչապետ Նուման Քուրթուլմուշը հայտարարել է, որ հետախուզությունը առնչություն ունի ամանորյա գիշերը Ստամբուլի գիշերային ակումբի հարձակմանը, հայտնում է The Independent-ը։
Թե որ երկիրն է ներկայացնում այդ հետախուզական ծառայությունը, նա չի հայտնել։
Թուրք քաղաքական գործչի խոսքով՝ հարձակումն իրականացվել է պրոֆեսիոնալ եղանակով։
Այլ մանրամասներ Քուրթուլմուշը չի ներկայացրել։
Թուրքիայում ահաբեկչությանն առնչություն ունենալու կասկածանքով կալանավորվել և հարցաքննվել են տասնյակ մարդիկ։
Ոստիկանությունում հայտարարել են, որ պարզել են ահաբեկչի ինքնությունը, որը ներկայումս գտնվում է ազատության մեջ, սակայն հրաժարվել են հայտնել նրա անունը։
