Նյու Հեմփշիրը կարող է սեփական պատժամիջոցները սահմանել ՌԴ-ի դեմ
ԱՄՆ-ի Նյու Հեմփշիր նահանգը կարող է իր սեփական պատժամիջոցները սահմանել Ռուսաստանի դեմ՝ ի պատասխան «ամերիկյան ժողովրդավարական համակարգին միջամտության»։
Այսպես, այդ նահանգի սենատոր Ջեֆ Վուդբերնը առաջարկել է կասեցնել կամ ամբողջությամբ դադարեցնել ռուսական օղու վաճառքը, հայտնում է «Ազատություն» ռադիոկայանը։
Նահանգում ալկոհոլի իրացումը կարգավորվում է նահանգի իշխանությունների կողմից։
Ջեֆ Վուդբերնը հայտարարել է նաև հնարավորության մասին՝ օրենսդրական ճանապարհով ստիպել կենսաթոշակային հիմնադրամներին վերանայել ներդրումները ռուսական ընկերությունում։
Ավելի վաղ հանրապետական սենատոր Լինդսի Գրեմը հայտարարել էր, որ վստահ է, որ ՌԴ-ի դեմ նոր պատժամիջոցներ են սահմանվելու։
