«Եթե Թրամփը որոշի, ես կմնամ Ադրբեջանում». Ռոբերտ Սեկուտա
Եթե պարոն Թրամփը անհրաժեշտ համարի ինձ այստեղ թողնել, ես կմնամ։ Այդ մասին, ինչպես հայտնում է APA գործակալությունը, հայտարարել է Ադրբեջանում ԱՄՆ դեսպան Ռոբերտ Սեկուտան։
«Ինձ այդ պաշտոնում նշանակել է նախագահը։ Առաջին հերթին մենք ԱՄՆ նախագահի ներկայացուցիչներն ենք։ Եթե պարոն Թրամփը հարկ համարի ինձ այստեղ թողնել, ես կմնամ»,- հայտարարել է ամերիկացի դիվանագետը։
Նախօրեին New York Times-ը, վկայակոչելով դիվանագետներին, գրել էր, թե Դոնալդ Թրամփը երդմնակալությունից հետո հետ կկանչի ԱՄՆ բոլոր դեսպաններին։
