Մեքսիկայում հրավառությունների տոնավաճառում պայթյունների հետևանքով 31 մարդ է զոհվել
Դեկտեմբերի 20-ին Մեքսիկայի Տուլտեպեկ քաղաքում հրավառությունների «Սան-Պաբլիտո» տոնավաճառում մի շարք պայթյունների հետևանքով զոհվել է 31 մարդ։
Տասնյակ մարդիկ վիրավորվել են, հայտնում է Reuters գործակալությունը։
Շուկան ներկայումս մոխրացած տարածք է հիշեցնում։
Պայթյունների հետևանքով որոշ երեխաներ ստացել են մարմնի ավելի քան 90% այրվածքներ և հոսպիտալացվել են ԱՄՆ Տեխաս նահանգի հիվանդանոցներ։
Մեխիկո նահանգի նահանգապետը խոստացել է հայտնաբերել ու պատժել մեղավորներին։
https://www.youtube.com/watch?v=_ugQq_5gtYE
