Պալմիրայում իրանցի ևս մեկ գեներալ է սպանվել
Իրանի Իսլամական հեղափոխության պահապանների կորպուսի բարձրաստիճան անդամներից մեկն է սպանվել Սիրիայում վերջին բախումների ընթացքում։
Բրիգադային գեներալ Հասան Աքբերին սպանվել է Սիրիայի Պալմիրա քաղաքում ԴԱԻՇ-ի ահաբեկիչների հետ բախումների ընթացքում, հայտնում է իրանական «Ֆարս» գործակալությունը։
Համաձայն հաղորդագրության՝ նա ղեկավարել է հատուկ գումարտակը։
Դեկտեմբերի 13-ին հայտնի էր դարձել Պալմիրայում Իրանի Իսլամական հեղափոխության պահապանների կորպուսի ևս մեկ անդամի՝ Ահմադ Ջալալինասաբի սպանության մասին։