Երկու դրդապատճառ
«Պուշկովի հայտարարությունը երկու դրդապատճառ ունի»,- 168.am-ի հետ զրույցում այս մասին է ասել Ֆրանսիայի Ռազմավարական հետազոտությունների կենտրոնի փորձագետ Կայծ Մինասյանը՝ անդրադառնալով օրերս ՌԴ Պետդումայի տեղեկատվության քաղաքականության հարցերով հանձնաժողովի նախագահ Ալեքսեյ Պուշկովի հայտարարությանը, թե հայ-ռուսական զորախմբի ստեղծումը խելամիտ քայլ է, հաշվի առնելով Հայաստանի սահմանակցումը մի երկրի հետ, որը ՆԱՏՕ-ի անդամ է։
Ըստ Մինասյանի՝ այս հայտարարությամբ ռուսները փորձում են ցույց տալ, որ Ռուսաստանը, ինչպես նաև Հայաստանը, դեմ է Թուրքիայի հակասական քաղաքականությանը Սիրիայում։ Երկրորդ դրդապատճառը, ֆրանսաբնակ վերլուծաբանի խոսքով, կապված է ՆԱՏՕ-ՀՀ հարաբերությունների հետ։ ««Ռուսաստանն այդպես էլ չընդունեց Հայաստան- ՆԱՏՕ հարաբերությունները։ Նման հայտարարությամբ ռուսները փորձում են դժվար վիճակի մեջ գցել Հայաստանին ՆԱՏՕ-ՀՀ հարաբերությունների հարցում, քանի որ չեն ընդունում այդ հարաբերությունների զարգացումը, ուստի փորձում են անվստահություն ստեղծել ՀՀ-ՆԱՏՕ հարաբերություններում»,- ասել է Մինասյանը։
Ամբողջությամբ կարող եք կարդալ «168 Ժամ» թերթի վաղվա համարում:
