Սիրիական բանակը տարհանել է Պալմիրայի բնակիչների 80%-ին, մյուսների ճակատագիրն անհայտ է
Սիրիայի կառավարական զորքերը Պալմիրայից կարողացել են տարհանել բնակչության ընդամենը 80%-ին, մյուսների ճակատագիրը անհանգստացնում է, հայտարարել է Հոմս նահանգի նահանգապետ Թալալ Բարազին։
Սիրիայում Հակամարտ կողմերի հաշտեցման ռուսական կենտրոնի տեղեկություններով՝ ԴԱԻՇ-ի ավելի քան 4 հազար գրոհային հերթական փորձն է ձեռնարկել քաղաքը գրավելու ուղղությամբ։
Ներկայումս սիրիական զորքերը պաշտպանական մարտեր են մղում։
Բարազին հույս է հայտնել, որ Պալմիրայի նկատմամբ վերահսկողությունը մոտ ժամանակներս կվերականգնվի։
