Դիարբեքիրի գյուղերում փողոց դուրս գալու արգելք է հայտարարվել
Դիարբեքիրի 15 գյուղում, որոնց թվում են Լիջեն, Հազրոն և Քոջաքյոյը, հայտարարվել է փողոց դուրս գալու արգելք: Այս մասին տեղեկացնում է թուրքական «Անադոլու» գործակալությունը:
Արգելքի հայտարարությունը տեղի իշխանությունները պայմանավորել են Քրդական բանվորական կ;ուսակցության (PKK) դեմ գործողություններ իրականացնելու անհրաժեշտությամբ: 15 գյուղերի բնակիչների համար փողոց դուրս գալու արգելքն ուժի մեջ է մտել հոկտեմբերի 17-ից` տեղի ժամանակով 05.00-ից և կշարունակվի մինչև հաջորդ հրահանգը:
