«Ֆորմուլա-1». Williams-ի ավտոարշավորդ Ֆելիպե Մասան կավարտի կարիերան
«Ֆորմուլա-1»-ի ավտոարշավորդը ցանկանում է զբաղվել այլ բանով:
«Ֆելիպե Մասան կհեռանա «Ֆորմուլա-1»-ից այս մրցաշրջանի վերջում»,- հայտնում է Williams-ի պաշտոնական կայքը:
«Իմ կարիերան ինձ համար շատ ավելին է, քան ես կարող էի երբևէ պատկերացնել: Դա պատիվ է ինձ համար՝ ավարտել այսպիսի անհավանական թիմում»,- հայտարարել է բրազիլացին:
Ֆելիպե Մասան «Ֆորմուլա-1»-ում է 2002 թվականից՝ ելույթ ունենալով Sauber-ի, Ferrari-ի և Williams-ի կազմերում: «Մեծ մրցանակներում» անցկացրել է 242 արշավ և տարել է 11 հաղթանակ:
Ընթացիկ մրցաշրջանում 35-ամյա ավտոարշավորդը 39 միավորով զբաղեցնում է ընդհանուր հաշվարկի 10-րդ հորիզոնականը:
Պատրաստեց Անի Գաբուզյանը
