Եգիպտացորենի մազիկներից թեյը՝ մի շարք հիվանդությունների դեմ
Եգիպտացորենի մազիկները դեռ վաղուց օգտագործվում են մի շարք հիվանդությունների դեմ: Այն հրաշալի է միզապարկի ինֆեկցիաների, միզուղիների բորբոքումների, շագանակագեղձի բորբոքումների, երիկամային քարերի դեպքում: Այն օգտագործվում է նաև սրտային անբավարարության, շաքարախտի, արյան բարձր ճնշման, հոգնածության և խոլեստերինի բարձր մակարդակի բուժման դեպքում:
Եգիպտացորենի թեյ
Եգիպտացորենի մազիկները հավաքում ենք այն ժամանակ, երբ եգիպտացորենը գտնվում է աճի կաթնային փուլում, իսկ մազիկները դեռ կանաչ են: Այս մազիկները չորացնում են սառը և օդափոխվող վայրում:
Թեյ, որը բուժում է վերը նշված հիվանդությունները
- 1 ճ/գ եգիպտացորենի մանրացրած մազիկներ
- 300 մլ ջուր
Եգիպտացորենի մազիկները եփեք 2 րոպե, ապա քամեք: Թեյը խմեք օրական 3 անգամ՝ ուտելուց հետո:
Երիկամների և միզապարկի հիվանդությունների դեմ
- 3 ճ/գ մանրացրած մազիկներ
- Կես լ ջուր
Ջուրը եռացրեք և լցրեք եգիպտացորենի մազիկների վրա: Փակեք այն և թողեք թրմվի 2 ժամ: Դրանից հետո քամեք և օրական 3 անգամ՝ ուտելուց հետո, խմեք 1 բաժակ այս թեյից:
Երիկամների բորբոքումներ և սրտամկանի հիվանդություն
- 1 ճ/գ եգիպտացորենի մազիկներ
- 1 ճ/գ խատուտիկի մանրացրած արմատ
- 1 ճ/գ անանուխ
Կես լ եռացրած ջուրը լցրեք բոլոր բաղադրիչների վրա, կափարիչը ծածկեք և թողեք թրմվի 2 ժամ: Ապա քամեք թեյը և խմեք օրական 3 անգամ՝ ուտելուց առաջ, 1 բաժակի չափով:
Միզուղիների համար
- 30 գ մազիկներ
- 30 գ թեղու (вяз) տերևներ
- 20 գ կտավատի սերմեր
1/2 լ եռացրած ջուրը լցրեք բոլոր բաղադրիչների վրա, կափարիչը ծածկեք, թողեք թրմվի 2 ժամ: Ապա քամեք և խմեք օրական 3 անգամ՝ ուտելուց առաջ:
Թեյ սրտի հիվանդությունների և մեզի մեջ սպիտակուցների դեմ
200 մլ ջուրը եռացրեք և լցրեք 6 գրամ եգիպտացորենի մազիկների վրա: Այս թեյը կարող եք օգտագործել ավելի երկար ժամանակ, քանի որ այն ձեր օրգանիզմին ոչ մի վնաս չի հասցնի:
Ուշադրությո՛ւն: Օօգտագործելուց առաջ չափազանց կարևոր է բժշկի հետ խորհրդակցելը:
Նյութը հրապարակման պատրաստեց Լիլիթ Հարությունյանը
