Շվայնշտայգերը ցանկանում է շարունակել կարիերան MLS-ում
«Մանչեսթեր Յունայթեդի» կիսապաշտպան Բաստիան Շվայնշտայգերը մտադիր է կարիերան շարունակել MLS-ում:
Կիսապաշտպանը չի մտնում մանկունյանցիների գլխավոր մարզիչ Ժոզե Մոուրինիոյի պլանների մեջ, և ակումբը պատրաստ է բաց թողնել ֆուտբոլիստին:
Ավելի վաղ «Մանչեսթեր Յունայթեդը» առաջարկություններ է ստացել այլ եվրոպական թիմերից, սակայն Շվայնշտայգերը մերժել է բոլոր տարբերակները:
Սակայն MLS-ում պատուհանն արդեն փակ է: Լիգայի ակումբներից որևէ մեկը տեղափոխվելու համար Շվայնշտայգերը պետք է դառնա ազատ գործակալ, ինչի համար նրան անհրաժեշտ է չեղարկել պայմանագիրը «Մանչեսթեր Յունայթեդի» հետ: Պայմանագիրը չեղարկելու հնարավոր պայմանները մնում են անհայտ:
Պատրաստեց Անի Գաբուզյանը
