««Հյուսիսային հոսքը» կօգնի դիվերսիֆիկացնել գազամատակարարումները». Լավրով
«Հյուսիսային հոսք» նախագիծը կնպասի գազամատակարարումների դիվերսիֆիկացմանը, իր ներդրումը կունենա կլիմայի հարցով փարիզյան համաձայնագրի իրականացմանը, հայտարարել է ՌԴ արտգործնախարար Սերգեյ Լավրովը: Այս մասին հայտնում է RIA Novosti-ն:
«Մենք համոզված ենք, եվրոպացի գործընկերների պես, որոնք «Գազպրոմի» հետ միասին մշակում են այս նախագիծը, որ այն նպաստելու է եվրոպական մայրցամաքում գազամատակարարումների երթուղիների դիվերսիֆիկացմանը և ընդանուր առմամբ ներառվում է եվրոպական գազային ենթակառուցվածքների զարգացման ծրագրում, որը իրականացվում է ԵՄ-ում և համապատասխանում է ԵՄ-ի հիմնական նպատակին` էներգետիկ միության ստեղծմանը»,- ասել է Լավրովը` ելույթ ունենալով Ուրալի դաշնային համալսարանում:
«Անկասկած, դրա իրականացումը կդառնա ևս մեկ ներդրում այն պայմանավորվածությունների կատարման հարցում, որը ձեռնարկվել է կլիմայի հարցով Փարիզի համաժողովի ժամանակ»,- հավելել է Լավրովը:
