Ինչու են բերման ենթարկել Գասպարիին. պարզաբանում են ոստիկանությունից
Այսօր ոստիկանության Արաբկիրի բաժին բերման է ենթարկվել Վարդգես Գասպարին։ 168.am-ին ՀՀ ոստիկանության հասարակայնության հետ կապի և լրատվության վարչությունից հայտնեցին, որ Գասպարին բերման է ենթարկվել Վարչական իրավախախտումների վերաբերյալ օրենսգրքի 172.2 հոդվածով՝ հասարակական վայրերն օգտագործելու կանոնները խախտելու համար։
Վարչական իրավախախտումների վերաբերյալ օրենգրքի այդ հոդվածով նախատեսված արարքն առաջացնում է տուգանքի նշանակում` սահմանված նվազագույն աշխատավարձի քսանապատիկից մինչև վաթսունապատիկի չափով:
Հիշեցնենք, որ aravot.am-ի փոխանցմամբ՝ այսօր Վ. Գասպարին հերթական պիկետն էր կատարում Սերժ Սարգսյանի տան դիմաց, սակայն պահակակետի աշխատակիցները վերցրել էին նրա պաստառը եւ իր պնդմամբ, իրեն թույլ չեն տալիս արտահայտվել: Դրանից հետո նրան բերման են ենթարկել:
Լուսանկարը՝ արխիվից
