Մեսսին կվերադառնա Արգենտինայի հավաքական
«Բարսելոնայի» հարձակվող Լիոնել Մեսսին հաջորդ շաբաթ Կատալոնիայի մայրաքաղաքում կհանդիպի Արգենտինայի նոր գլխավոր մարզիչ Էդգարդ Բաուսայի հետ:
Ըստ Ole-ի տեղեկության՝ 29-ամյա ֆուտբոլիստը կհայտարարի ազգային թիմ վերադառնալու իր որոշման մասին: Այսպիսով, Մեսսին օգոստոսի 30-ին կարող է խաղալ 2018թ. Աշխարհի առաջնության Ուրուգվայի դեմ որակավորման խաղում:
Հարձակվողը հայտարարել էր Արգենտինայի հավաքականում կարիերայի ավարտի մասին Կոպա-Ամերիկայի եզրափակչում Չիլիի հավաքականից կրած պարտությունից հետո:
Պատրաստեց Անի Գաբուզյանը
