Արտեմ Ասատրյանը խուսափեց պատասխանել՝ ինչպես է ծախսվել Եվրամիության տրամադրած մեկ միլիոն եվրոյի վարկը. «Ժողովուրդ»
Երեկ «Ժողովուրդ»-ը փորձեց ՀՀ աշխատանքի և սոցիալական հարցերի նախարար Արտեմ Ասատրյանից պարզել, թե իրենց նախարարությունը ինչպես է ծախսել Եվրամիության տրամադրած մեկ միլիոն եվրոյի վարկը, որը հատկացվել էր 2013 թվականի գարնանը՝ արտագաղթի, կամ այլ կերպ ասած՝ անօրինական միգրացիայի դեմ պայքարելու համար։ Ինչպես միշտ, Արտեմ Ասատրյանը հրաժարվել է որևէ հարցի պատասխանելուց և արագ հեռացել է։ Բայց հարցը, միևնույն է, մնում է անպատասխան։
Ի վերջո, Հայաստանի հանրությունն իրավունք ունի իմանալու, թե Արտեմ Ասատրյանի ղեկավարած գերատեսչությունն ինչպես հաջողացրեց նշված գումարն այնպես ծախսել, որ դրանից արտագաղթի տեմպերն ավելանան։ Ըստ պաշտոնական վիճակագրության՝2013-ին Հայաստանից արտագաղթել է 31 հազար 200, 2014-ին՝41 հազար 600, 2015-ին 43 հազար 400 մարդ։ Այսինքն՝ մեկ միլիոնով ոչ թե արտագաղթը կանխել են, այլ լրջագույնս խթաևել, որ այն արագ տեմպերով աճի։
Հրապարակումն ամբողջությամբ կարդացեք թերթի այսօրվա համարում։
