Անհրաժեշտ է Թուրքիայից անվտանգության հավելյալ երաշխիքներ ստանալ ռուս զբոսաշրջիկների համար. Մեդվեդև
Կարևոր է Թուրքիայի իշխանություններից երաշխիքներ ստանալ ռուս զբոսաշրջիկների անվտանգության համար, հայտարարել է ՌԴ վարչապետ Դմիտրի Մեդվեդևն այսօր ՌԴ կառավարության նիստում, հայտնում է RIA Novosti-ն:
Նախօրեին ՌԴ-ի և Թուրքիայի նախագահների հեռախոսազրույց են ունեցել, որի ժամանակ Ռեջեփ Թայիփ Էրդողանը վստահեցրել է, որ կանի իրենից կախված հնարավոր ամեն ինչ Թուրքիայում ռուսների անվտանգության ապահովման համար:
Պուտինն արդեն իսկ ՌԴ նախարարների կաբինետին հանձնարարել է չեղարկել Թուրքիայի նկատմամբ զբոսաշրջության ոլորտի ադմինիստրատիվ սահմանափակումները:
«Զբոսաշրջային սեզոնի թեժ շրջանում արդիական է Թուրքիա չարտերային չվերթերի չեղյալ հայտարարման, ռուս զբոսաշրջիկների՝ Թուրքիա հանգստի նպատակով չմեկնելու խորհրդատվությունների արգելքի վերացման թեման:
Այստեղ շատ կարևոր է ստանալ թուրքական իշխանությունների հավելյալ երաշխիքները՝ ապահովելու մեր քաղաքացիների հանգստի անվտանգությունը, հատկապես հաշվի առնելով Ստամբուլում կատարված վերջին ողբերգական իրադարձությունները»,- հայտարարել է Մեդվեդևը:
