Բրիտանիայի ՆԳՆ ղեկավարն իր թեկնածությունն առաջադրել է վարչապետի պաշտոնում
Մեծ Բրիտանիայի ՆԳՆ ղեկավար Թերեզա Մեյը հայտարարել է իր թեկնածության առաջադրման մասին Պահպանողական կուսակցության առաջնորդի, հետևաբար, նաև երկրի վարչապետի պաշտոնի համար, գրում է The Times-ը:
Նշվում է, որ նրա գլխավոր մրցակիցը կայանալիք քարոզարշավում դառնալու է Լոնդոնի նախկին քաղաքապետ Բորիս Ջոնսոնը:
Կուսակցության ղեկավարի թեկնածության առաջադրման գործընթացը մեկնարկել է չորեքշաբթի և կավարտվի այսօր: Դեռևս հայտնի չեն կուսակցության նոր ղեկավարի և երկրի վարչապետի նշանակման կոնկրետ ժամկետները:
Ավելի վաղ հաղորդվում էր, որ բրիտանական ԶԼՄ-ները կանխատեսում են Լոնդոնի նախկին քաղաքապետ, եվրասկեպտիկ Ջոնսոնի՝ երկրի վարչապետ դառնալու հավանականությունը։
