Երկրպագուները Ռուսաստան կարող են մտնել առանց մուտքի վիզայի
Ֆուտբոլի ֆեդերացիաների խորհուրդը կայացրել է որոշում՝ համաձայն որի Ռուսաստանում կայանալիք աշխարհի 2018 թվականի առաջնության ընթացքում ֆուտբոլասերները Ռուսաստան կարող են մտնել առանց մուտքի վիզաների: Որոշումը ուժի մեջ է մտնելու առաջնության մեկնարկից 10 օր առաջ և գործելու է մինչև առաջնության ավարտից 10 օր հետո:
Բացի ֆան ID-ից, երկրպագուները պարտավոր են ներկայացնել անձը հաստատող փաստաթուղթ և համապատասխան խաղի տոմսը: Ֆուտբոլիստների և պաշտոնատար անձանց համար կգործի վիզայով անցնելու համակարգը: ՖԻՖԱ-ի ներկայացուցիչները և ժամանող հյուրերը հնարավորություն կստանան օգտվել համապատասխան ավտոբուսներից և այլ փոխադրամիջոցներից: Վերջնական որոշումը կհաստատվի առաջիկա երեք օրում՝ փասթաթղթի ամբողջական պատրաստ լինելուց հետո: Այս մասին հայտնում է ՏԱՍՍ-ը:
