Ալիևը զանգահարել է Էրդողանին
APA գործակալության հաղորդմամբ՝ Ադրբեջանի նախագահ Իլհամ Ալիևն այսօր զանգահարել է Թուրքիայի նախագահ Ռեջեփ Թայիփ Էրդողանին՝ իր ցավակցությունը հայտնելով Ստամբուլի Աթաթուրքի միջազգային օդանավակայանի ահաբեկչության զոհերի հարազատներին ու վիրավորներին:
«Վճռական կերպով դատապարտում եմ ահաբեկիչների կեղտոտ գործողությունները»,- ասել է Ալիևը՝ հավաստիացնելով, որ «այս ծանր օրերին, ինչպես միշտ, Ադրբեջանը Թուրքիայի հետ է»:
Իր հերթին, Էրդողանը շնորհակալություն է հայտնել Ալիևին ցուցաբերած ուշադրության համար:
