Հայտնի է Ստամբուլի ահաբեկչության օտարերկրացի զոհերի թիվը
Պարզվել է Ստամբուլի Աթաթուրքի միջազգային օդանավակայանի ահաբեկչության զոհերի մեծ մասի ինքնությունը:
Ինչպես հայտնում է թուրքական Milliyet թերթը, 36 զոհերից 6-ը օտարերկրացի է՝ 4-ը Սաուդյան Արաբիայի քաղաքացի է, 1-ը՝ Ուկրաինայի, 1-ը՝ Իրանի:
Սպանված 2 կնոջ և 2 տղամարդու ինքնությունը դեռ չի հաջողվել ճշտել: Դեպքի վայրում հայտնաբերվել է 3 մարդու մարմնամասեր:
Ենթադրվում է, որ դրանք պատկանում են ահաբեկչությունը կազմակերպած մահապարտներին:
