«Հարավային գազային միջանցքը» մինչև 2020թ. TAP-ի վրա կծախսի 1,2 մլրդ դոլար. SOCAR
«Հարավային գազային միջանցքը» ՓԲԸ-ն Անդրատլանտյան գազատարի (TAP) նախագծի շինարարության վրա մինչև 2020թ. պլանավորում է ծախսել շուրջ 1,2 մլրդ դոլար (ավելի քան 1,8 մլրդ մանաթ):
Ինչպես հայտնում է APA-ն, այս մասին հայտարարել է Ադրբեջանի պետական նավթային SOCAR ընկերության ներդրումների վարչության պետ Վագիֆ Ալիևը:
Նրա խոսքով՝ կապիտալ ծախսերը, որ անհրաժեշտ են TAP-ի շինարարության համար, կազմում են 6,3 մլրդ դոլար (9,7 մլրդ մանաթ):
«Խողովակատարի սկզբնական հզորությունը կկազմի 10 մլրդ խմ՝ մինչև 20 մլրդ խմ ավելացման հնարավորությամբ»,- ասել է նա:
Վագիֆ Ալիևի խոսքով՝ մայիսի վերջի դրությամբ իրականացվել է նախագծի աշխատանքների 19,5 տոկոսը:
«Ընդհանուր առմամբ ներդրվել է 877 մլն եվրո»,- ասել է նա:
