Վրաստանի ԱԳՆ-ն հաստատել է Բեռլինում դեսպանության ավտոմեքենայի հրկիզման փաստը
Վրաստանի փոխարտգործնախարար Դավիթ Ջալագանիան հաստատել է, որ Բեռլինում այս գիշեր դիվանագիտական համարանիշներով հրկիզված ավտոմեքենաների թվում եղել է նաև Վրաստանի դեսպանության ավտոմեքենան, տուժածներ չկան: Այս մասին տեղեկացնում է RIA Novosti-ն:
Ավելի վաղ Բեռլինի ոստիկանությունը հայտնել էր, որ անցած գիշեր Բեռլինում հրկիզվել են Վրաստանի և Ֆրանսիայի դեսպանությունների ավտոմեքենաները:
«Ցավոք, երեկ Բեռլինում այրվել են դիվանագիտական համարանիշներով ավտոմեքենաներ, որոնց թվում է նաև Վրաստանի դեսպանության ավտոմեքենան: Անկասկասծ, հարկավոր է հետաքննել: Տուժածներ չկան»,- հայտարարել է Ջալագանիան ճեպազրույցի ժամանակ:
Նրա խոսքով՝ «դա բարբարոսության հերթական փաստն է, ու նման դեպքեր հաճախ են տեղի ունենում վերջին շրջանում»:
