Տնտեսական ակտիվությունն աճել է 5.5%-ով

2016 թվականի հունվար-մայիսին՝ նախաորդ տարվա նույն ժամանակահատվածի համեմատ, ՀՀ տնտեսական ակտիվության ցուցանիշն աճել է 5.5 տոկոսով։ Այս մասին տեղեկացնում է ՀՀ Ազգային վիճակագրական ծառայությունը։

12-ամսյա կտրվածքով՝ 2016թ մայիսը՝ 2015-ի մայիսի համեմատ, ակտիվության աճի տեմպը նույնն է՝ 5.5%: Իսկ ամսական կտրվածքով՝ մայիսը ապրիլի համեմատ, տնտեսական ակտիվությունն աճել է 6.6%-ով։

Արդյունաբերական արտադրանքի ծավալը տարվա առաջին 5 ամիսներին կազմել է 533.5 մլրդ դրամ, որը 8.8%-ով գերազանցում է նախորդ տարվա նույն ժամանակահատվածի ցուցանիշը։

Գյուղատնտեսությունն աճել է 4.7%-ով (ծավալը՝ 175.1 մլրդ դրամ),  ծառայությունները՝ 8.6%-ով (ծավալը՝ 468  մլրդ դրամ)։

Շինարարության ծավալը նվազել է 7.9%-ով և հասել 90.3 մլրդ դրամի։

0.1%-ով նվազել է նաև ներքին առևտրաշրջանառության ծավալը (հաշվետու ժամանակաշրջանում՝ 774.3 մլրդ դրամ)։