Երկու Կիպրոսների ղեկավարները համաձայնել են բանակցել կղզու վերամիավորման թեմայի շուրջ
Կիպրոսի հունական և թուրքական մասերի նախագահները պայմանավորվել են ակտիվացնել վերամիավորման շուրջ բանակցությունները: Չորեքշաբթի օրը Կիպրոսի Հանրապետության նախագահ Նիկոս Անաստասիադիսը և չճանաչված Հյուսիսային Կիպրոսի Թուրքական Հանրապետության ղեկավար Մուսթաֆա Ակինջին հանդիպում են անցկացրել: Ինչպես գրում է «ՌԻԱ Նովոստի»-ն, 2016թ հունիսի 17-ից սկսած՝ նախատեսվում է շաբաթական երկու հանդիպում, որոնց ընթացքում առաջնորդները գտնելու են հարցի խաղաղ կարգավորման տարբերակներ:
Ինչպես նշել է Անաստասիադիսը, խնդիրը կարող է լուծվել արդեն այս տարվա վերջում, եթե ակտիվ քննարկումները լավ փոխգործակցություն ձեւավորեն կողմերի միջև և պահպանվի խնդիրը խաղաղ ճանապարհով լուծելու ցանկությունը: Նրա խոսքով՝ յուրաքանչյուր հանդիպման ընթացքում բանակցություններն ընթանալու են համաձայն մշակված ծրագրի:
