«Կոչ եմ անում՝ դադարեցնենք բանակի թերությունների մասին բարձրաձայնումը». Գագիկ Ջհանգիրյան
Ապրիլյան պատերազմը պաշտպանության ոլորտում մի շարք խնդիրներ ի ցույց դրեց: Այս մասին այսօր Ազգային ժողովում հայտարարությունների ժամին հայտարարեց ԱԺ ՀԱԿ խմբակցության պատգամավոր Գագիկ Ջհանգիրյանը:
Նրա համար մտահոգիչն ապրիլյան պատերազմի ժամանակ Պաշտպանության բանակի բացերի ու թերությունների հրապարակային քննարկումն էր. «Եթերով առարկայական և մանրամասն բարձրաձայնվում են բանակի սպառազինության խնդիրները, առաջնագծի համալրման անհրաժեշտությունը, և այլն, ինչով ակամա վտանգվում է առաջնագծում կանգնած զինվորն ու սպան, երևույթը հատկապես հարիր չէ բանակի շինարարության գործում ներդրում ունեցած, Զինված ուժերում բարձրագույն պաշտոններ զբաղեցրած անձանց: Կոչ եմ անում՝ դադարեցնենք բանակի թերությունների մասին բարձրաձայնումը»:
Նա հայտարարեց, որ իշխանություններն իրենց հերթին՝ պարտավոր են ոլորտում փորձառություն և գիտելիք ունեցող մեր համաքաղաքացիների առաջարկություններն ու դիտարկումները քննարկելու ձևաչափ գտնել:
