U2 խմբի կիթառահարը նվագել է Սիքստինյան կապելլայում
Իռլանդական հայտնի U2 ռոք-խմբի կիթառահար Էջը (Դևիդ Էվանս) նվագել է Սիքստինյան կապելլայում: Ինչպես հաղորդում է «Аввенире» թերթը, երաժշտի կարճատև ելույթը կայացել է Վատիկանում տեղի ունեցած՝ քաղցկեղին վերաբերող համաժողովից հետո:
Կիթառահարը կատարել է U2-ի մի քանի կոմպոզիցիա, իսկ նրան ձայնակցել են իռլանդացի 6 անչափահասներ: Հանդիսատեսի շարքում եղել են համաժողովի 200 մասնակիցները:
Ինչպես նշում է աղբյուրը, 1481թ. կառուցված Սիքստինյան կապելլայում առաջին անգամ է ռոք երաժշտություն հնչել: Նախկինում կապելլայում, որտեղ ավանդաբար անցկացվում են Հռոմի Պապի ընտրությունները, թույլատրվել են միայն եկեղեցական ու դասական երաժշտության համերգներ:
