Սուարեսի կարծիքով՝ ինքը, Մեսսին և Նեյմարը անձեռնմխելի ֆուտբոլիստներ չեն «Բարսելոնայում»
«Բարսելոնայի» հարձակվող Լուիս Սուարեսը նշել է, որ թիմում չկան անձեռնմխելի ֆուտբոլիստներ: Ուրուգվայցի ֆուտբոլիստը մասնավորապես նկատի է ունեցել իրեն, ինչպես նաև՝ հարձակման գծում իր խաղընկերներ Լիոնել Մեսսիին և Նեյմարին:
«Մենք հասկանում ենք, որ շատ ենք օգնում թիմին և կանոնավորապես դուրս ենք գալիս դաշտ: Սակայն չկան ոչ մի անձեռնմխելի ֆուտբոլիստներ: Եվ ոչ ոք չպետք է միայնակ պատասխանատվություն կրի, երբ անհաջողություն է պատահում: Մենք հաղթում ենք և պարտվում ենք բոլորս միասին»,- Սուարեսի խոսքերն է մեջբերում Marca-ն:
Ընթացիկ մրցաշրջանում Սուարեսը մասնակցել է Իսպանիայի առաջնության 31 հանդիպումների, դարձել է 30 գոլի և 15 գոլային փոխանցման հեղինակ:
Պատրաստեց Անի Գաբուզյանը
