ԵՏՄ վարչապետների հերթական հանդիպումը կկայանա մայիսի 20-ին՝ Երևանում
Մոսկվայում անցկացվող Եվրասիական միջկառավարական խորհրդի նիստի ժամանակ կողմերը պայմանավորվել են հաջորդ նիստն անցկացնել մայիսի 20-ին՝ Երևանում։ Այս մասին հայտնում է RIA Novosti-ն:
«Միջկառավարական խորհրդի նիստին քննարկվել են հարցեր, որոնց վերաբերյալ հարկավոր է հստակեցնել կողմերի տեսակետները, որպեսզի հանձնաժողովը կարողանա առաջ շարժվել և պատրաստել նոր փաստաթղթեր։
Մասնավորապես, պայմանավորվել ենք, որ Երևանում կայանալիք Միջկառավարական խորհրդի հաջորդ նիստի ընթացքում վերադառնալու ենք նավթի ու նավթամթերքի միասնական շուկայի ստեղծման հայեցակարգին։ Երևանում կշարունակվի նաև երկաթուղային փոխադրումների հարցի քննարկումը»,- տեղեկացրել է Եվրասիական տնտեսական հանձնաժողովի կոլեգիայի նախագահ Տիգրան Սարգսյանը՝ ընդգծելով, թե ԵՏՄ կառավարությունների ղեկավարները պայմանավորվել են, որ նման հանդիպումներն ավելի հաճախ են կազմակերպվելու:
Կողմերը նիստի ժամանակ պայմանավորվել են, որ հաջորդ հանդիպումը տեղի է ունենալու մայիսի 20-ին՝ Երևանում:
