Հայաստանի և Ադրբեջանի արտգործնախարարները Մոսկվայում կմասնակցեն ԱՊՀ-ի արտգործնախարարների խորհրդի նիստին
Հայաստանի արտգործնախարար Էդվարդ Նալբանդյանը և Ադրբեջանի արտգործնախարար Էլմար Մամեդյարովը ապրիլի 8-ին Մոսկվայում կմասնակցեն ԱՊՀ երկրների արտգործնախարարների խորհրդի նիստին, հայտնում է TASS-ը:
Չնայած Լեռնային Ղարաբաղում իրավիճակի սրացմանը, երկու երկրների արտաքին գերատեսչությունների ղեկավարները հաստատել են իրենց մասնակցությունը ԱՊՀ արտգործնախարարների խորհրդի նիստին:
Նիստի հիմնական թեման դառնալու է Համագործակցության գործունեության ադապտացումը ժամանակակից պայմաններին:
Նիստի ծրագիրը նախատեսում է ԱՊՀ երկրների փոխհամագործակցության հարցերի քննարկում տարբեր ոլորտներում:
