Թեհրանը զսպվածության կոչ է արել Հայաստանին և Ադրբեջանին
Իրանն անհանգստացած է Լեռնային Ղարաբաղի հակամարտության գոտում ստեղծված իրավիճակից և զսպվածության կոչ է անում Հայաստանին և Ադրբեջանին, հայտնում է իրանական IRNA գործակալությունը:
«Մենք զսպվածության և իրավիճակի հետագա բարդացումից խուսափելու կոչ ենք անում մեր երկու հյուսիսային հարևաններին: Ականատես լինելով տարածաշրջանում արմատական խմբավորումների կործանարար գործողություններին՝ Ղարաբաղում Հայաստանի և Ադրբեջանի միջև բախումներն անհանգստություն են հարուցում»,– ասել է Իրանի ԱԳՆ մամուլի քարտուղար Հոսեյն Ջաբերի Անսարին:
