Մյասնիկյան պողոտայում ավտոմեքենան դուրս է եկել երթևեկելի գոտուց և բախվել ծառին
Ապրիլի 3-ին, ժամը 00.15-ին ահազանգ է ստացվել, որ Երևանի Մյասնիկյան պողոտայում՝ Կենդանաբանական այգու մոտակայքում, տեղի է ունեցել ՃՏՊ. «Մերսեդես» մակնիշի ավտոմեքենան դուրս է եկել երթևեկելի գոտուց և բախվել ծառին, անհրաժեշտ է փրկարարների օգնությունը:
Դեպքի վայր են մեկնել փրկարար ջոկատը և ՃԿԱԿ օպերատիվ խումբը:
Պարզվել է, որ «Մերսեդես E-320» մակնիշի GE OO-090-AA պետհամարանիշի ավտոմեքենան դուրս է եկել երթևեկելի գոտուց և բախվել ծառին:
Փրկարարներն ուղևոր Ա. Բ.-ին (1992 թ. ծնված) դուրս են բերել ավտոմեքենայից և մոտեցրել շտապօգնության ավտոմեքենային. վերջինս հոսպիտալացվել է թիվ 1 համալսարանական կլինիկա, որտեղ բժիշկները տուժածի առողջական վիճակը գնահատել են միջին ծանրության: 
