Ինչո՞ւ ենք մենք զգում, երբ մեզ նայում են
Բացահայտել մեր ուղեղի բոլոր գաղտնիքներն ու հնարավորությունները՝ բոլոր գիտնականների երազանքն է: Բայց մեկ կյանքը բավարար չէ անգամ մեկ կամ երկու գաղտնիքի բացահայտման համար: Ուղեղի աշխատանքն ուսումնասիրելիս շատերին հետաքրքրել է հարցը, թե ինչպե՞ս են մարդիկ զգում, երբ իրենց նայում են:
Storyfox.ru-ն առաջարկում է ծանոթանալ մի քանի գիտնականների եզրակացություններին:
Ինչպես գրում է Իլան Շրիրան, մենք ընդունում ենք շրջակա աշխարհը ոչ միայն զգայական օրգաններով: Մարդու ուղեղում կան նաև հատուկ զգայական համակարգեր: Սա անհավանական է թվում, սակայն ապացուցվում է ամեն անգամ, երբ մենք զգում ենք՝ ինչպես է մեկ ուրիշը նայում մեզ: Այս զգացումը գոյատևման բնազդի արտահայտման ձև է:
Որոշ փոքր կենդանիներ ևս ունեն այս բնազդը, սակայն մարդու մոտ այն ամենից զարգացածն է:
Մենք շատ լավ հասկանում ենք, թե մեզ դիտող հայացքը որսալու համար որ կողմ պետք է նայենք: Հետազոտությունների համաձայն՝ երբ դա տեղի է ունենում, մարդու ուղեղում ակտիվանում են զգայական համակարգի բջիջները:
«Այն, որ մարդը կարող է որսալ իրեն նայող հայացքը՝ վկայում է, որ մենք կարող ենք շփվել ոչ միայն վերբալ և ոչ վերբալ, այլև կարող ենք շփվել բնազդներով»,- նշում է հոգեբանական գիտությունների պրոֆեսոր Կոլին Կլիֆորդը:
Այն պահին, երբ դուք զգում եք ուրիշի հայացքը, ձեր ուղեղը միացնում է մի քանի համակարգեր: Այն հաշվարկում է հեռավորությունը ձեր և դիտողի միջև, որսում է բնազդային ազդակները, որոնք հաղորդում է դիտողի մարմինը, և գտնում է հնարավոր վտանգները: Եվ այս ամենը տեղի է ունենում մի քանի վայրկյանների ընթացքում: Ձեզ նայող ուրիշի հայացքը որսալը հնարավոր է դառնում ինքնակառավարման և գոյատևման բնազդների շնորհիվ: Բայց այն, թե մեր ուղեղի որ համակարգերն են այն ղեկավարում, դեռևս հայտնի չէ:
Սիրարփի Աղաբաբյան
