Ադրբեջանը նախատեսում է վերանայել 2016 թվականի բյուջեն
Ներկայում քննարկվում է եկող տարվա պետական բյուջեում համապատասխան փոփոխություններ կատարելու մասին հարցը՝ կապված 2016թ. պետբյուջեի մշակման ժամանակ կիրառված տարադրամի փոխարժեքի հետ, ինչպես նաև վերանայել բյուջետային ծախսերի ու եկամուտների հաշվարկը, որն արվել է արտարժույթով:
Այս մասին հայտնում է ադրբեջանական APA գործակալությունը՝ հղում կատարելով Ադրբեջանի ֆինանսների նախարարության հայտարարությանը:
Ադրբեջանի ֆինանսների նախարարությունում նաև հայտնել են, որ քննարկվելու են նաև նավթի ցածր գնի հետ կապված հարցեր, որոնք հաշվի էին առնվել պետբյուջեի եկամուտները կազմելիս:
Հաղորդվում է, որ 2016թ. Ադրբեջանի պետբյուջեի փոփոխությունները նախատեսվում է կատարել ապրիլ-մայիսին:
