«Միլֆեյ». ֆրանսիական հրաշք դեսերտ

«Միլֆեյն» ըստ էության դեսերտ է կրեմով, հատապտուղներով և մրգով` հավաքված թեթև շերտավոր խմորի մի քանի շերտերով: Մասնագետները երդվում են, որ այս ֆրանսիական դեսերտը պատրաստելը շատ հեշտ է, ուղղակի անհրաժեշտ է բավարար ժամանակ և համբերություն:

Ելակի «Միլֆեյ»

Բաղադրիչները.

1. 250գ շերտավոր խմոր

2. Ելակ

3. Շաքարավազ

4. Հալած կարագ

Կրեմի համար.

1. 500գ պանիր «Մասկարպոնե»

2. 2 հատ բնական յոգուրտ

3. 125գ շաքարի փոշի

4. Վանիլ

Պատրաստման եղանակը.

Գրտնակել պատրաստի շերտավոր խմորը 1 ուղղությամբ և կտրել 9 հավասար քառակուսիներ: Քառակուսիների վրա շաղ տալ մի փոքր շաքարավազ և տապակել կարագի մեջ 2 կողմից, սառեցնել թղթե անձեռոցիկի վրա:

Կրեմը պատրաստելու համար ձեռքի հարիչով խփել մասկարպոնե պանիրը, յոգուրտը, շաքարի փոշին և մի փոքր վանիլ:

Երբ խմորը և կրեմը պատրաստ են, սկսեք հավաքել Ձեր հրաշք «հազարաթերթիկը». ֆորմայի հատակին դրեք քառակուսի թխված խմորներից մեկը, վրան դրեք կիսած մի քանի ելան և ավելացրեք կրեմը, պրից հետո այդ ամենի վրա դրեք 2-րդ քառակուսին և կրկնեք նույն բանը: Ձևավորեք ըստ Ձեր ճաշակի: 

Պատրաստեց Անի Գաբուզյանը