«ԿամԱԶ»-ի և ավտոկռունկի վարորդներին խաբելով՝ տնակ է գողացել
Հոկտեմբերի 21-ին, ժամը 19.00-ին, 1960 թ. ծնված Աշոտ Ե.-ն ոստիկանության Տարոնի բաժնում հաղորդում էր տվել, որ ժամը 09.00-ից 18.30-ն ընկած ժամանակահատվածում Վանաձորի Վարդանանց թիվ 26 հասցում գտնվող, իրեն պատկանող չցանկապատված տարածքից գողացել են թիթեղյա տնակը` պատճառելով 400.000 դրամի նյութական վնաս:
Ձեռնարկված օպերատիվ-հետախուզական միջոցառումների արդյունքում պարզվել է, որ 1955 թ. ծնված Էդվարդ Խ.-ն «ԿամԱԶ-215» մակնիշի բեռնատարի և «ԶԻԼ» մակնիշի ավտոկռունկի վարորդներին ներկայանալով որպես տնակի սեփականատեր և համաձայնության գալով նրանց հետ` տնակը տեղափոխել է:
Կատարվում է հետաքննություն:
