Ուորլիքն «արդյունավետ բանակցություններ» է ակնկալում Հայաստանի ու Ադրբեջանի արտգործնախարարների հետ հանդիպումից
Այսօր Նյու Յորքում տեղի կունենա ԵԱՀԿ Մինսկի խմբի համանախագահների հանդիպումը Հայաստանի ու Ադրբեջանի արտգործնախարարների հետ:
Այս մասին Twitter-ի իր էջում գրել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը:
«Մենք ակնկալում ենք արդյունավետ բանակցություններ»,- գրել է Ջեյմս Ուորլիքը:
Հիշեցնենք, որ ԵԱՀԿ Մինսկի խմբի համանախագահները նախ՝ առանձին-առանձին կհանդիպեն Հայաստանի ու Ադրբեջանի արտգործնախարարների հետ, ապա կկայանա համատեղ հանդիպումը:
